Seper ustide bolghanlighim uchun xitingizgha waxtida jawap
qayturalmidim.

Siz sorighan mikro dolqunluq ochaqning saghlamliqqa we tamaqning
temige bolghan tesirige kelsek, men bu toghursida kop nersilerni
bilip ketmeymen, shundaqtimu ozemning bu mesilige bolghan koz
qarishimni oturgha qoyup otey.

Hemmimizge melum bolghunidek hemme nersining ikki teripi bolidu, biz
kisel dawalashta ishlitidighan dorilarningmu kiselge shipaliq teripi
bar, hem melum derijide ekis tesirimu bar. Adem tamaq yimise
bolmaydu, biraq kop tamaq yise, ademni semirtip kisellik peyda
qilidu. Mashina we ayrupilanlar hazirqi zamanda kem bolsa
bolmaydighan muhim qatnash qoralliri bolup, kishilerge nurghun
qolayliqlarni ilip kilish bilen birge, her weqeler tupeylidin nurghun
kishilerning jinigha zamin boliwatidu. Beziler qol tilfunini kop
ishletse minge osmisini peyda qilidu dep endishi qilishidu, biraq qol
tilfuni hazirqi zaman alaqiside kishilerge yuksek qolayliq
ekelgenligi uchun yenila ishlitiwiridu. Wakazalar. Bularning hemmisi
turmushimizda uchurap turidighan nahayti addi uqumlar bolup, kishiler
yuqarqilarning shundaq yaman teripining barliqini bilip tursimu
ulardin ayrilalamaydu. Chunki yuqarqilarning kishilerge ilip kelgen
qulayliq we yaki paydiliq teripi, yaman teripidin nurghun hesse
yuquri bolghanliqi uchun, yaman teripi we yaki ziyanliq teripi bilen
anche kop hisapliship olturmaydu.

Amirkida Amish dep atalghan bir gurpa ademler bolup, ular uzun
yillardin biri hazirqi zaman tereqqiyatidiki nurghun nersilerni ret
qilip kelgen, ular oyliride tilifun, iliktir, tilivizor, tonglatqu,
mashina qatarliq hazirqi zaman mesulatlirini ishletmeydu, ular asasen
qol hunerwen mesulatlirini we tebbi boyumlarni ishlitidu, ular adette
qatnash qorali uchun at harwisi ishlitidu. Biraq ular hazirqi zamanda
yashighanliqi uchun yenila hazirqi zaman tereqqiyatidin putunley waz
kichelmigen. Ular oz oylirige tilfun orunlashturmighan bilen, Amish
bolmigha xoshnilirining oylirige yaki oyining siritgha tilfun qoyup
ishlitidiken. Ular adette mashina ishletmigen bilen sayahetke
chiqqanda we yaki kisel bolup qalghanda mashinigha yaki jiddi
ququzush mashinisigha olturidiken. Ular ballirigha bir qitim ishlitip
tashliwitidighan yogek (diaper) ishlitidiken.

Dimekchi bolghunum mikro dolqunluq ochaq hazirqi zaman
tereqqiyatining mesulati bolup, uning burunqi tebbi otun koydurup
qizzitidighan ochaq bilen silishturghanda bezi ziyanliq terepliri
bolsimu, biraq uning nurghun qolayliq terepliri bar. Mining
qarishimche biz bir nersige baha bergende bu nersining paydiliq
teripi bilen ziyanliq teripini silishturup, u nersining ziyanliq
teripi, paydiliq teripge nisbeten zadi qanchiliq digenge asasen baha
birishimiz kirek.

Adem tamaqni kop yise semirip kisel bolidu, biraq uningliq uchun
tamaq yiyishni ret qilishni orni yoq. Biz mashina heydigende,
ayrupilangha olturghanda weqe sadir bolup, jinimizdin ayrilishimiz
mumkin, biraq buningliq uchun hemmila yerge piyade birishimizning
orni yoq, hem undaq qilish emiliyetke uyghunmu emes. Kisel bolup
qalghan dora yisek yaki opiratsiye qilsaq, dorining ekis tesiri
bolushi, opiratsiye jeryanida oylimighan ehwal yuz birip jinimzdin
ayrilishimiz mumkin, biraq buningliq uchun dawalashni ret qilishning
orni yoq. Hawa tengshiguch (Air conditioner) chiqarghan shamalning
bezi ziyanliq teripi bolushi mumkin, biraq biz uningliq uchun issiqqa
piship olturshimizning orni yoq. Qol tilfuni ishletsek melum
ziyanliri bolushi mumkin, biraq biz uningliq uchun qol tilfuni
ishlitishtin waz kichelmeymiz. Wakazalar.

Shunga mining qarishim mikro dolqunluq ochaqning bezi ziyanliq teripi
bolushi mumkin, biraq u hazirqi zaman turmushida nurghun
qolayliqlarni ilip kelgenligi uchun, bezi tereplerge diqet qilip, u
kelturidighan ziyan yaki yaman aqiwetni eng towen derijide
towenletken asasta ishletsek bolar dep qaraymen.