1-Sual: Adettiki ushshaq kesellege, mesilen, yenik zukam digendek
kisellerge giriptar bolghanda beziler "amal bar dora-okulsiz halda
ozligidin eslige kelgen yaxshi, bolmisa keyin dora-okul tesir
qilmaydu" deyishidu, Sizche bu gepning asasi barmu?

Miningche bu gepning melum asasi bar.

Adem bedinide kisellik peyda qilghuchi amillar nahayiti kop bolsimu,
biraq ularni Biologiyelik Amillar, Ximiyelik Amillar, Fizikiliq Amillar,
Yimek-Ichmek Amilliri we Irsiy Amillar digendek 5 xil turge yighinchaqlashqa
bolidu.

Ularning ichide eng kop uchiraydighan amil Biologiyelik amil bolup, u her xil
virus, baktiriye we parazit qurutlarni oz ichige alidu.

Adette kiselni dawalighanda, aldi bilen u kiselning nime kisel
ikenligini iniqlapla qalmastin belki u kiselning nime seweptin kilip
chiqqanlighighimu qarash kirek.

Yuqarda siz sorighan adettiki zukamni zukam virusi kelturup
chiqarghan bolup, hazirgha qeder zukamni oz ichige alghan virus kelturup
chiqarghan barliq kiselge nisbeten unumluk dora nahayti az. Hazir zukamni
dawalashta ishlitiliwatqan dorilar asasen zukam kelturup chiqargha kisellik
alametlirini yengillitish we bedenning imiyunut kuchini ashurushtinla ibaret.
Shunga zukamni oz ichige alghan herqandaq virus kelturup chiqarghan kiseldin
saqlinish we uni dawalashning eng unumluk usuli bedenning imiyunut kuchini
ashurush, muhapiq beden chiniqturush we vaksina udurushtin ibaret.

Zukamni dawalashta unumluk dora bolmighanlighi uchun, zukamni
dawalashta zukamning ozini emes, belki zukam kelturup chiqarghan
alametni konturul qilip, bimarning biaramliqini azlitish asas
qilinidu. Yeni zukam sewibidin bash yaki gili aghrighan bolsa
aghriqni toxtutidighan dora ishletse bolidu. Qizitmizi iship ketken
bolsa qizitmisini yandurudighan dora ishletse bolidu.

Normal ehwal astida adettiki zukam kishilerning saghlamliq ehwali we yishigha
asasen 3 kundin 7 kun ichide saqiyip kitidighan bolup, eger
biaramliqqa chidap kitelise yaki qizitmisi yuquri bolmisa, yaxshi
aram ilish, suni kop ichish arqiliqmu saqiyip ketkili bolidu. Undin
bashqa bezi yerlik yaki milliche usulda, we yaki bezi tebi usulda
dawalash ilip barsimu bolidu.

Biraq mesile bezi kisellerning deslepki alametliri adettiki zukam bilen
oxshushup kitidighan bolup, buni choqum adettiki zukamdin periqlendurush kirek.
Bolupmu yash chongayghanda bedende korulgen herqandaq alametke sel qarimay,
doxturgha birip tekshurush ilip birish kirek. Bolmisa bezi kisellerge baldur
diyagunuz qoyup, baldur dawalash pursitini qoldin birip qoyidighan gep.

Eskertip otushke tigishlik mesile, hazir meyli Uyghur ilide bolsun
we yaki Jungguoning ichkiri olkiliride bolsun, kishiler zukam bolup
doxturgha korungende, bimargha koplep baktiryege qarshi dora
ishlitidighan bolup ketti, emiliyette bu bir xil toghura bolmighan
dawalash usuli.

Miningche herqandaq kiselge nisbeten muhapiq dora ishlitish nahayti muhim.
Chunki dora ximiyelik madda bolghini uchun, u bir tereptin kisel dawalighini
bilen, yene bir tereptin bedenge melum ekis tesirni ilip kilidu. Undin bashqa
dorilarni bolup baktiryege qarshi dorilarni qalaymiqan ishletkende, bedendiki we
yaki etiraptiki muhittiki baktiryeler shu xildiki dorigha qarshiliq kuch peyda
qilip, kiyin dora payda qilmaydighan bolup qalidu.

Shunga mining qarishimche dora ishlitishning hajiti bolmighan ehwal astida amal
bar dora ishletmeslik, yaki az dora bilen saqidighan kiselge imkan bar
qalaymiqan dorilarni kop ishletmeslik kirek. Bundaq digenlik kisel bolsang dora
yime digenlik emes. Ihtiyaj bolghanda yenila muhapiq dora yiyish, yigendimu
waxtida yiyish kirek.